Զարմիկիս ծնունդն էր: Հայրս` բախտի բերումով անունը Վլադիմիր , ես ու մեր խնամին` նույնպես Վլադիմիր, բոլորս միասին հրավառություն կազմակերպեցինք զարմիկիս համար: Երրորդ Վլադիմիրը` օղու հետ սերտ ընկերացած, ճոճվելով մոտեցավ ու սկսեց հարցաքննել մեր ազգային պատկանելիության մասին: [...]
Մի լավ ասացվածք կա ռուսների մոտ` ալարկոտին ցուրտը քթից է բռնում, իսկ խիզախի առաջ հանում է իր գլխարկը: Այ իմ քթից ընենց բռնեց, որ սառցահորը չկարողացա ոչ միայն ոտք դնել, այլև մատս իջեցնել: Չնայած արդեն երեք օր դուրս չէի եկել տանից` իմանալով, որ անտանելի ցրտեր են ` 30 աստիճան ՄԱՌՈԶ, այդ երեք օրվա ընթացքում փորձում էի ողջ կամքս հավաքել խիզախ ռուսի պես անցկացնելու համար, [...]
Դոլարի կուրսը դարձել է մոսկվացիների ամեն ինչը: Համընդհանուր էյֆորիա է: Մարդիկ, վախը աչքերում, ասես իրենցից ուզում են երիկամները գողանալ, առաջին իսկ հեռուսատեսային հրահանգից հետո վազելով գնում են դրամափոխանակման կետերում իրենց բարձի տակ պահած կանաչները ռուբլու վերածելու: Այսինքն էժան գնով վերադարձնում են պետությանը ժամանակին շատ թանկ գնած տարադրամները, որ հետո նորից թանկ գնով առնեն` վախենալով, որ այն նորից կեժանանա: Աբսուրդ: [...]
Երբ տնից դուրս եկա, զգացի, որ օրս տպավորություններով լի է անցնելու. փողոցում մարդիկ ճանապարհ էին տալիս, սպասում էին ես անցնեմ, հետո նոր իրենք: Եթե կողքս կանգնած մարդիկ կանգառում չէին նկատում, որ դիմակով եմ, նկատելուց հետո վեր էին թռնում ու մի քայլ հետ գնում…էս ամենը շատ զվարճալի էր, բայց իսկական զավեշտն առջևում էր: Համընդհանուր ուշադրություն գրավելուց գոհ, հպարտ քայլերով իջա մետրո : [...]
Որքան էլ մենք կորցնենք իրար այս խելագար կյանքում,
Մի ծանոթ երգի մեղեդի մեզ նորից կբերի մեր տուն…
Իմ հոգեկանն, ինձ թվում է, դեռ երկար պատրաստ չի լինի ընդունել ու հասկանալ Մեսչյանի մեծությունը, վայելում եմ այդ տաղանդի պտուղները փոքր-փոքր կտորներով: [...]
Մոսկովահայության միֆերից է, թե հայկական եկեղեցու հարակից գերեզմանատանը տեղն արժե 30 հազարից մինչև 150 հազար դոլար: Որոշեցի ճշտել ինֆորմացիան տարածքը հետևող N հոպարից: Նա հերքեց էդ փաստը` ասելով, որ տեղ չկա արդեն ու արդեն վաղուց ինչ էլ կար` օրենքով գողերը գնել են: [...]
Վերջին մեկնաբանությունները