Ես տարօրինակ սովորություն ունեմ, դասի կամ աշխատանքի գնալիս տանից դուրս եմ գալիս այն հաշվարկով, որ նստեմ ամենաերկար ճանապարհով իմ ուզած տեղը հասնող երթուղայինը, եթե իհարկե նորից զարթուցիչս չի մոռացել, որ պետք է զանգի, և ես նորից ինչ-որ տեղ չափից դուրս չեմ շտապում: [...]
Երբ շփվում եմ մարդու հետ, ինձ համար մի քանի ցուցիչ գոյություն ունի` հասկանալու համար նրա տեսակը: Դրանցից մեկը երաժշտական նախընտրություններն են: Համաձայնեք, սա շատ բան է ասում մարդու մասին: Մինչև հիմա թեսթիս արդյունքները չեն խաբել: Ֆանատիզմի կողմնակից չեմ, բայց եթե առիթ լինի, Բոչելիի հետ անպայման կլուսանկարվեմ: [...]
Ասում են` ճանապարհային ոստիկանները վարորդներին տուգանելու նոր ձև են գտել: Մասնավոր մեքենայի վրա, որ գրած է լինում վաճառվում է, վարելու ընթացքում զանգում են նույն այդ համարով: Վարորդը, բնականաբար, պատասխանում է զանգին, իրենք էլ կանգնեցնում են ու տուգանում` ղեկին հեռախոսով խոսելու մեղադրանքով: [...]
Երթուղայինների ու այդտեղ կատարվող իրադարձությունների մասին գրելը հայկական իրականության մեջ արդեն լեյտմոտիվ է: Ես էլ հետ չմնամ ու գրեմ, թե ինչ կապ ունի երթուղայինը իգական հայ սեռի կանացիության հետ: Ցանկություն ես հայտնում նստել երթուղային ու արդեն ներսում ոչ միայն տեղ չկա նստելու, այլ կանգնելու համար ստիպված պետք է մարմնի հետևի փափուկ մասը բացված պատուհանից դուրս հանես, [...]
Վերջապես մեր կենցաղ է մտնում փողոցն անցնելիս լուսացույցին նայելը: Կամաց-կամաց մարդիկ սովորում են, որ կարմիր լույսի տակ չի կարելի փողոցն անցնել, անգամ եթե այն դատարկ է: Բայց ոնց եմ ջղայնանում, երբ մայթին կանգնած սպասում եմ կանաչ լույսին, մեկ էլ մարդիկ գալիս ու առանց երկար-բարակ մտածելու անցնում են: Գրողի ծոցը բոլոր գույները, իրենց այդպես էր հարմար: [...]
Երեխա էի, երբ առաջին անգամ նկատեցի Երևանով շրջող մի տարօրինակ ու արտասովոր տրամվայ։ Այնքան հետաքրքիր ու այնքան գրավիչ։ Իմ հիշելով այն կանաչ էր և զարդարված զանազան գրվածքներով, պատկերներով, նախշերով։ Տրամվայի հայտնվելուց ոչ շատ անց ասեկոսեներ սկսվեցին, թե իբր դա տրամվայ-սրճարան է։ Այդ ժամանակ անհամբեր սպասում էի, թե երբ պետք է մեծանամ ու մի օր նստեմ այդ տրամվայը: Մինչև այսօր սպասում եմ։ [...]
Վերջին մեկնաբանությունները