Հայաստանյան հեռուստաեթերում այժմ սիրողական մակարդակի բացարձակ գերակշռություն է: Ենթադրում եմ, որ սա նաև անխուսափելի պրոցես է: Չէ± որ կան օբյեկտիվ պատճառներ:
Նախկին մեկ Հեռուստառադիոպետկոմի կողքին հայտնվեցին տասնյակ մասնավոր ալիքներ, որոնց կադրային բազան պետք է ձևավորվեր պետական հեռուստատեսության մասնագետների հաշվին: Ընդ որում պետական տնտեսավարողից պետք է հեռանային նախևառաջ լավագույն մասնագետները` մասնավոր ալիքում ռեալիզացվելու հույսով: Բացի սա, մասնագետների մի մեծ զանգված պարզապես թողեց հեռուստատեսային գործը և մխրճվեց այլ բիզնես-ոլորտներ, կամ մեկնեց արտասահման: Յուրաքանչյուր ալիքում հայտնվեցին հատուկենտ մասնագետներ, որոնք, սակայն, արդեն որոշիչ ուժ չէին հաղորդումներ պատրաստելիս:
Նորահայտ սեփականատերերի ու նորելուկ ղեկավարների, սիրողական մակարդակի տասնյակ աշխատակիցների շրջապատում այդ մասնագետները շատ արագ ձեռք բերեցին դինոզավրի կամ կույրաղիքի պիտակներ: Բացի սա, մասնավոր ալիքների սեփականատերերը խաղադրույքը դրեցին էժան աշխատուժի վրա (ու դեռևս նախընտրում են այն), որը ցածր որակավորում ունի, մեծ հոնորարի կամ աշխատավարձի պահանջ չի դնում և իր պոտենցյալի չափով էլ հաղորդումներ է պատրաստում:
Մյուս կողմից` գովազդատուների սակավաթիվ համայնքը պարզապես չի կարող կերակրել տասնյակ ալիքներ, ուստի եթերային գովազդի գումարներն առայսօր իրականում փոշիանում են` հաղորդումների ու մասնագետների որակի բարձրացմանն էական օգուտ չտալով:
Մյուս կողմից` կան լրագրողական որակավորման բարձրացման բազմաթիվ ու զանազան ծրագրեր (տեղական և արտասահմանյան), որոնցից վերադարձած և հմտություններ ձեռք բերած լրագրողի ոգևորությունը 24 ժամում ի չիք է դառնում` բախվելով մենեջմենթի առօրյա զսպաշապիկին: Ու քանի որ մեր ալիքներում չկա խմբագրի ինստիտուտը, որը պետք է բուֆեր լինի ամենազոր մենեջերի (սեփականատիրոջ) և պաշտպանության կարոտ լրագրողի միջև, ստացվում է այնպես, որ հենց նոր որակավորումը բարձրացրած լրագրողը պետք է դադարի հեքիաթներին հավատալ ու պետք է կրկին ընկղմվի առօրյա հակապրոֆեսիոնալիզմի ճահիճը:
Մյուս կողմից` մանկահասակ (նաև սիրողական մակարդակի) հեռուստալրագրողներն ու հաղորդավարները հեշտ կառավարելի են, անչափ հեշտ է նաև նրանց աշխատանքից ազատելը, նրանք անգիտակցաբար ու մեծ սիրով կատարում են կոմերցիոն տնօրենի կամ ղեկավար կուսակցական ուժի հրահանգները, հաղորդման հյուրի հետ զրուցում են ձվածեղի գաղտնիքների մասին, քանի որ դա է նրանց երևակայության թռիչքը և գիտելիքի ու փորձառության բագաժը: Չգիտեն ոչ իրենց իրավունքները, ոչ էլ պարտականությունները: Ուստի նրանք քաղաքական առումով վստահելի են:
Մյուս կողմից` լրագրությունը ֆեմինիզացվում է, բայց դրանից չեն ավելանում նրա հմայքները: (Մինչդեռ քմահաճույքներն` ինչքան ասես:) Գուցե սա էլ է անխուսափելի: Մի ժամանակ կանանցն էր համարվում ուսուցչի մասնագիտությունը, քանի որ տղամարդն այդքան նյարդեր չունի: Գուցե լրատվության մե±ջ էլ այսօր գոյատևում են պինդ նյարդեր ունեցողները` կանայք և օրիորդները: Չգիտեմ` լա±վ է, թե± վատ: Վերջին երկու տասնամյակի փորձս հուշում է, որ երիտասարդ տղաները գերադասում են փնտրել այնպիսի աշխատանք, որն իրենց հնարավորություն կտա երեք շաբաթում Ջիփ գնել: Աղջիկները հավանաբար առավել իրատես են:
Հայաստանյան ալիքները ունեն միևնույն պրոբլեմը. ոչ ոք չգիտի, թե 5 տարի հետո ով է փոխարինելու այսօրվա հաղորդավարին: Եվ այսօրվա հաղորդավարն էլ չգիտի, թե ինչ է անելու 5 տարի հետո, երբ իրեն եթերում քամելուց հետո կասեն մնաս բարով ու տաղավար կմտցնեն հերթական մանկահասակ նորելուկին:
Հարգելի Գնել Նալբանդյան շատ լավ է, որ այստեղ հնարավորություն կա քննարկելու հեռուստատեսության եւ հատկապես հանրայինի ներկա վիճակը։ Այն որ այդ ճգնաժամը գնալով էլ ավելի է խորանում,արդեն տեսանելի է յուրաքանչյուր՝ քիչ թե շատ գրագետ հեռուստադիտողի համար։ «Հայաստանյան հեռուստաեթերում այժմ սիրողական մակարդակի բացարձակ գերակշռություն է»,այսպես է բնորոշել եթերի վիճակը Գնել Նալբանդյանը։ Երեւի շատերս ենք համամիտ սրա հետ։ Իմ կարծիքով, ամեն ինչ կախված է ղեկավարի պահանջից։ Այն կենտրոնը, որտեղից հեռուստաընկերությունները ղեկավարվում են, պետք է գոնե ձեր նշած խնդիրների մասին մտածեն եւ հետո հաշվի նստեն այդ ամենի հետ։
Գնել այս հոդվածդ շատ լավն էր:Չես վախենում, որ վերջում բացարձակ ճշմարտության կհասնես ու պրոբլեմի առաջ կկանգնես?Չկարծես թե Արամ Աբրահամյանի կողմնակիցն եմ, հակառակը չեմ սիրում, բայց Ա 1+ – նման հեռուսակայանների պետք ունենք, այսինքն ազատ մրցակցություն կլինի, եթե գոնէ երկու կարծիք լինի:Լուրեր ենք նայում, ոչ մի տարբերություն չկա մեկնաբանությունների մեջ, բոլոր ալիքները կարծես copy-paste են արել խոսքները,միջինասիական պետությունների օրին ենք: թողեք թող կարծիքները տարբեր լինեն, ժողովուրդը ինքն իրավունք ունի ազատ ընտրի ո’ւմ հավատա ո’ւմ ոչ; այ երբ կլինի ընդդիմադիր հեռուստաընկերություն (ազատ), քո ասածները իրականանալի են:մեր հոռուսաընկերությունները բռնատիրական հասարակարգում են գոյատեւում:
Սիրելի Լ.Խաչատրյան, այն կենտրոնը, որը նկատի ունեք Դուք, երբեք չի մտածի իմ նշած խնդիրների մասին և երբեք հաշվի չի նստի այս ամենի հետ, եթե այստեղ ձևավորվող հեռուստաքննադատների թիմն ամեն օր մամուլում չհրետակոծի եթերի այլանդակությունները` ստույգ փաստերով ու մասնագիտական հիմնավորումներով:
Նարինե ջան…. դու անհանգստանում ես, որ *** վերջում բացարձակ ճշմարտության կհասնեմ ու պրոբլեմի առաջ կկանգնեմ***????? :ՃՃ Իսկ ինչու` ՎԵՐՋՈՒՄ???? :ՃՃ դու հավանաբար չես կարդացել իմ նախորդ մի քանի տասնյակ հրապարակումները, որոնք ՀԵՆՑ ՍԿԶԲԻՑ այս ամենի մասին են… Չէ, Նարինե ջան, չեմ վախենում: Որովհետև ես պրոֆեսիոնալ եմ: Իսկ պրաֆեսիոնալը ԵՐԲԵՔ չի վախենում աշխատատեղը կորցնելուց` պրաֆեսիոնալ խոսքի կամ գործի պատճառով: Որովհետև պրոֆեսիոնալը ՄԻՇՏ ունի գործ և աշխատատեղ: Իսկ այ` պրոֆանները հլու հնազանդ ու վախեցած կատարում են իրենց թելադրած ամեն բան, քանի որ վախենում են զրկվել այն պաշտոնից, որը նրանց նվիրել են` ոչինչ չանելու համար:
Նարինե ջան, հիմա` քընդդիմադիր հեռուստաընկերության մասին:
Նարինե ջան, հիմա` քո գրած` ընդդիմադիր հեռուստաընկերության մասին: Ազատն էլ դրել ես փակագծում..:ՃՃՃ Հավատա` մեզ պետք չի ոչ` ընդդիմադիր ալիք, ոչ` իշխանամետ ալիք: Երկուսն էլ նույն չարիքն են: Մեզ պետք է ազատ և անկախ ալիք: Ազատ և անկախ մամուլն է, որ, կներես, թքած ունի և իշխանության վրա, և ընդդիմության: Չէ որ իշխանամետ մամուլն իրեն սնող իշխանության կամակատարն է, ընդդիմադիր մամուլն էլ իրեն սնող ընդդիմության կամակատարն է: Սա մի բան է, որ մասին Հայաստանում աշխատում են չխոսել: Միթե մոռացել ենք, որ Հ1ը հայհոյում էր ԼՏՊին, Ա1ը հայհոյում էր ՌՔին… ԻՆՉ ՏԱՐԲԵՐՈՒԹՅՈՒՆ? ոչ մի… Ուրեմն իշխանական ու ընդդիմադիր լրատվամիջոցները միևնույն բանն են անում` յուրաքանչյուրն իր արածը համարելով հերոսություն:
ԱԶԱՏ և ԱՆԿԱԽ մամուլ նշանակում է.
ազատ` քաղաքական որևէ ուժի թելադրանքից կամ ազդեցությունից,
անկախ` տնտեսական ուրևէ ուժի թելադրանքից և ազդեցությունից:
Հիմա հերթով նայեք հայաստանյան բոլոր լրատվամիջոցները` ալքիներ, թերթեր, ինտերնետմամուլ… և ինքներդ որոշեք, թե Հայաստանում որ լրատվամիջոցն է, որ այս կամ այն կուսակցության /իշխանական, թե ընդդիմադիր/ խոսափողը չէ: Կամ կախված չէ այս կամ այն /իշխանական, թե ընդդիմադիր/ բիզնես կառույցից…. Եթե այդպիսին գտնեք, ուրեմն այն իսկապես ազատ է և անկախ…
ինձ թվում է մեր լրատվական հաղորդումներում բազմազանությունը չկա եւ copy անում, ոչ միայն այն պատճառով, որ թույլ չեն տալիս ուրիշ բան անել, իհարկե կան մի քանի ԴԺՎԱՐոտ թեմաներ, բայց այլ ավելի շատ դեպքերում, լրատվական հաղորդումը պատրաստողներն են մեծ մասամբ ոչպրոֆեսոնալ /չնայած էս դեպքում ավելի տեղին է օգտագործել դինջ/, կամ էլ որովհետեւ
1. հեռուստատեսույթյունները տեխնիկական հնարավորություն չունեն!
2. համապատասխանաբար չեն վճարում պրոֆեսոնալներին!(չնայած կարծում եմ,որ մասնագիտության նկատմամբ անքան էլ ազնիվ չէ իսկապես լավ լրագրողներին կուլ գնալ հանգամանքներին, բայց ՑԱՎՈՔ շատերը ստիպված են լինում)
Իհարկե կարելի է հարցնել, բա օրինակ ռուսական հեռոսւտատեսություններն էլ խոմ լավ տեխնիկա, շատ փող եւ պրոֆեսոնալ մարդկային ռեսուրսներ ունեն, բա ինչու են copy-անում???
եւ մյուս կողմից էլ նույն ամերիկյան լրատվամիջոցները խոմ խոսքի ազատություն ունեն, ինչու են վերցնում մի թեմա ու ծամծմում բոլորով միասին????
Պատասխանը շատ պարզ է – մենք ոչ ԱՄՆ-ն ենք, ոչ էլ Ռուսաստանը, մեր հեռուստադաշտը բոլորովին այլ կանոններով է աշխատում եւ… /էստեղից կարող եք նորից սկսել կարդալ comment-իս սկիզբը/
ՀԱՏՈՒԿ ՍԱԹԵՆԻ ՀԱՄԱՐ…
Խարտիան ստորագրել են են ԱԹիՎի, ԱՐ, Դար 21, Երեւան, Երկիր մեդիա, Կենտրոն, Հանրային, ՀայԹիՎի, Հայրենիք, Շանթ, Շողակաթ հեռուստաընկերությունները
Խարտիայում գրված է. Բացառել … հավաստի տեղեկությունները թաքցնելու գործելաոճը: Սաթեն ջան, սա նշանակում է, որ, օրինակ, երբ Չեռնոբիլը պայթում է, պետք է այս մասին անմիջապես տեղեկացնել և ոչ թե այս մասին լռել 3 շաբաթ շարունակ, ինչպես եղավ ԽՍՀՄ տարիներին: Կամ: Եթե Երևանում ընդդիմության ցույց է, պետք է այս մասին լուր տալ, և ոչ թե լռել, ինչպես սովորաբար արվել է Հայաստանում` ԼՏՊ, ՌՔ և ՍՍ ժամանակ: Կամ: Լրագրողի տեքստում հնչում է` Միտինգը սակավամարդ էր… Եվ ալիքն էլ ցուցադրում է ցուցարարների մի խմբի` խոշոր պլանով, և ցույց չի տալիս ընդհանուր պլանով պատկերը: Մինչդեռ ընդհանուր պլանում կերևա ամբողջ զանգվածը: Ուրեմն ալիքը պետք է ցույց տա միտինգը նաև խոշոր պլանով, որն էլ կհամարվի հավաստի տեղեկությունը չթաքցնել, և հեռուստադիտողն ինքը կորոշի` միտինգն, ըստ իրեն, բազմամարդ էր, թե սակավամարդ?:
Նարինե ջան, իմ կարծիքով բացարձակ ճշմարտություն գոյություն չունի: Մարդն ինքնին սուբյեկտ է հանդիսանում,և բացարձակ ճշմարտության մասին խոսք լինել չի կարող, այն միշտ էլ հարաբերական է, եթե համամիտ չես, խնդրեմ, դա էլ է սուբյեկտիվիզմի դրսևորում:
Գնել կարծում ես աղջիկների ու օրիորդների նյարդերն ավելի՞ ամուր են:Չէ, կարծում եմ նրանից է, որ տղաներն ավելի բռնկուն են և անհամբեր…
Ինչքան գիտեմ, 60-ականներին սկիզբ առած ֆեմինիստական շարժման կանայք ոչ էին ասում տղամարդկանց և ամեն տեսակի բռնություններին:Այժմ էդպիսի բան չկա, ուղղակի տղաներն իրենց ոտքով հետ են քաշվում` տեղը զիջելով աղջիկներին…
Հեռուստաալիքների աշխատավոճը հասկանալը բարդ է ու դժվարին, գլուխ հանելու համար ամուր նյարդեր են պետք…
ՀԱՏՈՒԿ ՇՆՈՐՀԱԿԱԼՈՒԹՅՈՒՆ:
Ես հենց սա էլ նկատի ունեի:
Բայց ով է “մեղավոր” այդ վիճակի համար? Պարզ է, որ, ասենք, Հ1-ի լրատվությունը հսկվում է “շաաատ վերևից”… Բայց, ինչ է?, մնացած 17 ալիքն էլ են էդ նույն ֆիլտրով անցնում?
Ուրեմն սիրելի Գնել ես “ազատ” բառը չակերտների մեջ չեմ գրել,այլ փակագծերի,տարբերություն կա, ինքդ էլ գիտես:
Ինչ վերավերվում է հոդվածներիդ, ապա վստահ եթե ոչ բոլորը,ապա մեծամասամբ կարդացել եմ ու երաժշտական տերմինով ասեմ ԿՐԵՇԵՆԴՈՆ ակնհայտ է:Բայց դա ես որպես վատ բան չեմ գրել, հակառակը:Ինչ վերաբերվում է նրան, որ դու չես վախենում,որով պրոֆեսիոնալ ես, քո ասածը ուղիղ համեմատական է մարդկանց մյուս խմբին, ըստ որոնց իրենք անբախտ են, որ ոչնչի չեն հասել:Կարծում եմ հասկացար, չեմ ուզում շատ մանրանամ: Ես գտնում եմ, որ քո նախաձեռնությունը շատ լավն է, բայց մի բանում համոցված եմ , բայց չեմ ասի,որ չնեղանաս:
Նարինե ջան, ներիր չակերտ բառի համար, իրականում ես էլ նկատի ունեի փակագիծ, բայց անուշադրությամբ գրել եմ չակերտ..:ՃՃՃ Իսկ ինչո?ւ պետք է վիրավորվեմ քեզնից, եթե անձնական վիրավորանք չես հասցնում` ասենք` արձագանքող Արմենի պես հայտարարելով, թե ես ստախոս եմ… կամ գործակալ… Նման արձագանքներն անշուշտ վիրավորական են, բայց դրանք վկայում են տվյալ մարդու անտակտության մասին: Մինչդեռ դու քո արձագանքներում միշտ էլ կոռեկտ ես եղել… ինչի համար անչափ շնորհակալ եմ քեզ:
Սաթեն ջան, **հավաստի տեղեկությունը թաքցնել** ձևակերպումը մեկնաբանող կամ նկարագրող օրինակները բերեցի ոչ այն նպատակով, որ սկսենք փնտրել մեղավորին, այլ որպեսզի պարզ դառնա, որ Խարտիայում գրվածը միայն արտաքուստ է լղոզված կամ ընդհանուր ձևակերպումներով հագեցած: Եվ այսպիսի տպավորություն կարող է ստանալ ոչ մասնագետը: Մինչդեռ հեռուստատեսության ոլորտի մասնագետները հեշտորեն ընկալում են Խարտիայի թեզիսների կոնտեքստը, և այդ մասնագետներին ֆռռացնելը հեշտ չի:
Ժողովուրդ, փորձենք այստեղ քննարկումների ժամանակ ոչ թե անհատների մասին մեր վերաբերմունքն արտահայտենք, այլ երեւույթների: Օրինակ, Նարինեն իր բացասական վերաբերմունքն է արտահայտում Արամ Աբրահամյանի նկատմամբ, չնայած նրան, որ վերջինիս խոսքերն է կրկնում:
Հարգելի Գնել, ինչ ֆռռացնելու մասին է խոսքը??? Մի գուցե պարզաբանեք??? Բոլոր կետերը մանրամասնորեն նայել եմ, ես 1-2 դեպքից բացի, չեմ հիշում որեւէ անգամ, որ այս կետերը հեռուստալրագրողները խախտեն… Այդ դեպքում ինչի էր պետք այս խարտիան: Չկար անհրաժեշտությունը դրա, իսկ մի քանի կետ էլ ինձ ուղղակի սպանեց :ճ շատ խնդալու խարտիա էր…
Հարգելի Գնել ես ուղղակի զարմանում եմ ինչի? են նման թղթեր հորինում, երբ ասենք շատ հանգիստ կարողանում են ասել այս նյութը եթերից հանեք, կամ այս թեմայի “զվուկը” ցածրացրեք… Մանավանդ, որ այս խարտիան օրենքի ուժ չունի… Կամ Հանրային Խորհուրդը շատ պարապ է ու այսպիսի հումորներ /կսմիթներ :Ճ/ է գրում, կամ աշխարհի ամենամիամիտ կառույցն է… Թե չէ ֆռռացրել պրծել են, էլ ինչ ֆռռացնեն…
Սիրելի Աննա, միանգամայն համաձայն եմ քո կոչին.
1. խոսենք երևույթի մասին, ոչ թե անձի,
2. անձնական վիրավորանք չհասցնենք որև մեկին:
Ինքս էլ այս բլոգում բազմիցս կրկնել եմ նույն խնդրանքը, հորդորը, առաջարկը, սկզբունքը….
Բայց ես նորից կարդացի Նարինեի արձագանքը և, անկեղծ ասած, Արամ Աբրահամյանի /որն, ի դեպ, իմ շատ լավ ընկերն է/ ԱՆՁԻ ԴԵՄ որևէ բան չգտա Նարինեի գրածում: Մեջբերում եմ Նարինեի գրածը. ***Չկարծես թե Արամ Աբրահամյանի կողմնակիցն եմ, հակառակը, չեմ սիրում, բայց Ա 1+ նման հեռուսակայանների պետք ունենք*** /մեջբերման ավարտը/:
Իմ սիրելի գործընկերներ, Նարինեն այս նախադասությամբ ՉԻ ՎԻՐԱՎՈՐՈՒՄ Արամ Աբրահամյանին, չի ասում` նա ստախոս է, նա դավաճան է, նա գործակալ է, նա պատվեր կատարող է…. Նարինեն ընդամենը ասում է, որ ինքը չի սիրում Արամ Աբրահամյանին: Ու վերջ: Սա նորմալ է: Սա անձնական կարծիք է: Ես էլ կարող եմ գրել, որ չեմ սիրում, ասենք` Պոզներին /թեև իրականում անշուշտ սիրում եմ նրան/, բայց սա չի նշանակում, որ ես դրանով անձնական վիրավորանք եմ հասցնում Պոզներին: Բայց եթե ես գրեմ, որ Պոզները, ասենք, ստախոս է, սա կնշանակի, որ ես ԱՆՁԱԿԱՆ ՎԻՐԱՎՈՐԱՆՔ եմ հնչեցնում նրա հասցեին:
Ես կարծում եմ, որ Նարինեն իր գրածում ԼԻՈՎԻՆ պահպանել է կոռեկտությունը: Եթե այդպես չլիներ, ես ինքս ԱՆՊԱՅՄԱՆ հարկ կհամարեի զգուշացնել նրան:
Ուրեմն փորձենք ԱՆՁՆԱԿԱՆ ԿԱՐԾԻՔԸ զատորոշել ԱՆՁՆԱԿԱՆ ՎԻՐԱՎՈՐԱՆՔԻՑ, լավ?
Սիրելի Zoro, շատ լավ, եթե ֆռռացրել պրծել են, ուրեմն ի՞նչ…. հանձնվե՞նք, թողնենք, որ շարունակեն ֆռռացնե՞լ… և սա մենք կհամարենք լուծո՞ւմ…
Isk duq inch eq arajarkum anel… Baci spaseluc… Gorcic durs galy mijoc chi, vorovhetev mer poxaren kberen pujur glxov, erkar-yuxot mazerov txerqi u 2 kopekov kashxatacnen.. heto drancic kstanan irenc uzac mankurty u……
Inch eq arajarkum anel hargeli Gnel????
Ապշել եմ հեղինակի անամոթությունից, խոսք չունեմ….. Մեջբերում եմ . “անգիտակցաբար ու մեծ սիրով կատարում են կոմերցիոն տնօրենի կամ ղեկավար կուսակցական ուժի հրահանգները ………: Ուստի նրանք քաղաքական առումով վստահելի են”:
Տեսեք, թե ով է խոսում կուսակցական ուժի հրահանգներից…. Ամո’թ է, Ձեր դեպքում ձվածեղի մասին խոսքը կլիներ քաղաքական առումով վստահելի, շատ կարճ հիշողություն ունեք.
Վարդան
Սիրելի Վարդան: Եթե դու արժանապատվություն ունեցող մարդ ես, ուրեմն նախ պետք է ներողություն խնդրես հեղինակից` ինձնից, որովհետև ես քեզ անամոթ չեմ կոչել, իսկ դու համարձակվել ես ինձ անամոթ կոչել: Սա բլոգ է, բայց բլոգում էլ մարդիկ, եթե կիրթ են, մյուսներին չեն վիրավորում:
Երկրորդ. եթե իմ գրածները ՄԵԿ անգամ ընթերցելով գլխի չես ընկնում խոսքն ինչ մասին է, կարդա երկրորդ անգամ… գուցե նաև երրորդ անգամ կարդալու հարկ լինի.. բայց չորրորդ անգամ ընթերցելու ժամանակ ՀԱՍՏԱՏ գլխի կընկնես, որ հեղինակը, թվարկելով հայաստանյան մամուլի ՀԻՎԱՆԴՈՒԹՅՈՒՆՆԵՐԸ և ՊԱԽԱՐԱԿԵԼԻ ԿՈՂՄԵՐԸ, գրում է. /մեջբերում եմ/ մանկահասակ (նաև սիրողական մակարդակի) հեռուստալրագրողներն ու հաղորդավարները հեշտ կառավարելի են, անչափ հեշտ է նաև նրանց աշխատանքից ազատելը, նրանք անգիտակցաբար ու մեծ սիրով կատարում են կոմերցիոն տնօրենի կամ ղեկավար կուսակցական ուժի հրահանգները, հաղորդման հյուրի հետ զրուցում են ձվածեղի գաղտնիքների մասին, քանի որ դա է նրանց երևակայության թռիչքը և գիտելիքի ու փորձառության բագաժը: Չգիտեն ոչ իրենց իրավունքները, ոչ էլ պարտականությունները: Ուստի նրանք քաղաքական առումով վստահելի են: /մեջբերման ավարտը/: Եթե այս մեջբերումը մի քանի անգամ կարդաս, անպայման ինքդ քեզ համար կպարզես, որ հեղինակը սա գրում է, որպեսզի սիրողական մակարդակի հաղորդավարն աշխատի դառնալ ՊՐՈՖԵՍԻՈԱՆԱԼ, որպեսզի չմնա կոմերցիոն տնօրենի համար հեշտորեն կառավարելի գործիք, որպեսզի հաղորդման հյուրի հետ զրուցի հասարակայնորեն կարևոր բաների մասին և ոչ թե ձվածեղի, որպեսզի իմանա իր իր մասնագիտական ԻՐԱՎՈՒՆՔՆԵՐՆ ու ՊԱՐՏԱԿԱՆՈՒԹՅՈՒՆՆԵՐԸ, որ նրան չկարողանան վռնդել ալիքից այն ժամանակ, երբ նա ՀՐԱԺԱՐՎԻ մնալ ալիքի տնօրինության համար ՔԱՂԱՔԱԿԱՆ առումով ՎՍՏԱՀԵԼԻ և ԿԱՄԱԿԱՏԱՐ լրագրող կամ հաղորդավար…
Սիրելի Վարդան, գոնե հիմա գլխի ընկա?ր, թե հեղինակն իրականում ինչ է գրել: Գոնե հիմա գլխի ընկա?ր, որ դու հեղինակի գրածը ոչ միայն 180 աստիճանով թարս ես հասկացել, այլ նաև դրանից հետո հեղինակին կոչել ես անամոթ…
Սիրելի Վարդան, հեղինակը գրում է` հաղորդավարներ, ստրուկ մի եղեք, ձգտեք լինել ազատ, իսկ դու հեղինակի այս հորդորը կոչում ես անամոթություն:
Ես ակնկալում եմ, սիրելի Վարդան, որ դու ներողություն կխնդրես հեղինակից` ինձնից:
Սիրելի zoro, ես առաջարկում եմ անել այն, ինչն արդեն անում են այս բլոգում իմ գրածներին արձագանքող Սաթենը /ուսանող/ և Նունեն /մագիստրանտ/ նաև Արփինե Սիմոնյանը /Առավոտ թերթ/, նաև Արփինե Մինասյանը /ուսանող/, որոնց հետ ես արդեն հանդիպել եմ, և մենք քննարկել ենք հեռուստաքննադատության հիմունքները, որպեսզի նրանք կարողանան մամուլում հրապարակել մեր եթերի վերլուծություններ և պրոֆեսիոնալ քննադատություն: դու կարող ես այս չորս անձանց գտնել այս բլոգում` ինձ արձագանքողների մեջ, նրանց հետ պայմանավորվել, որպեսզի դու էլ միանաս մեր փոքրիկ խմբին: Մենք մինչև աշուն պարբերաբար սրճելու ենք Ռադիոյի դիմացի սրճարանում և զրուցելու ենք մեր անելիքների մասին:
Ես մի խնդրանք ունեմ բոլոր նրանց, ովքեր մտածում են պրոֆեսիոնալ հեռուստաքննադատության մասին և ուզում են այս բլոգում քննարկել իմ առաջարկած հեռուստապրոբլեմները. խնդրում եմ, կարդացեք ոչ միայն ընթացիկ հրապարակումները, որոնք ես տեղադրում եմ այստեղ, այլ նաև իմ նախորդ հրապարակումները, որպեսզի փոքրիշատե լիարժեք պատկերացում կազմեք իմ իմ առաջարկների մասին:
Օրեր առաջ Արմեն անունով իմ անձ էր շարունակաբար ինձ ստախոս անվանում` չհասկանալով, որ Հ1ի տասնյակ հաղորդաշարերից միայն մեկի խմբագիրը Հ1ի Գլխավոր խմբագիրը ՉԷ, և առանց կարդալու իմ տասնյակ հրապարակումները, որոնք ես տեղադրել եմ այս բլոգում: Հիմա էլ Վարդան անունով մի անձ է ինձ անամոթ անվանում` ոչ միայն չընկալելով իմ գրածների իմաստը, այլև դրանք շուռ տալով գլխիվայր… Իմ սիրելիներ, շատ եմ խնդրում. նախ` կարդացեք, հետո` մտածեք, հետո` հասկացեք, և հետո միայն արձագանքեք, լավ?
Սաթեեեեն, ոնց հասկացա` դուք բլոգի կոորդինատորն եք: Ձեր առաջիկա հանդիպման համար կտեղեկացնե՞ք նաեւ ինձ: Նախապես շնորհակալություն:
Գնել,
Ներեղություն խնդրելու կոչ անելուց առաջ, առավել ևս, Ձեր համեստ նյութը վերընթերցելու առաջարկներ անելուց առաջ, ինքներդ վերընթերցեք մեկնաբանությունը…. ԳՈՒՑԵ ԳԼԽԻ ԸՆԿՆԵՔ.
Անամոթություն եմ համարում կուսակցական ուժի հրահանգ կատարող մարդու, ավելի ճիշտ` նման պատվեր իրականացնող կառույցի անդամի կողմից դրա մասսայահաճո քննադատությունը:
Վարդան
Ի դեպ, նյութում տեղ գտած խնդիրների հետ համաձայն եմ, ինձ ուղղակի նյարդայնացնում է հեղինակի` իրեն այդ խնդիրների տիրույթից ու ազդեցությունից դուրս տեսնելը:
Նաև իմ եկամուտներից ամսական մասհանումներից ձևավորվող հանրային բարիքի` Հանրային Հեռուստատեսության տեղեկատվական համակարգի ցանկացած աշխատակից իր մասով պատասխանատու է կուսակցական կոնկրետ քաղաքականության իրականացման համար: Ու եթե դա անգամ ցավ ապրելով է արձանագրում, թող բարի լինի չխոսել դրա մասին որպես իրականության, որին ինքն անմասնակից է….
Saten indz el gtir ok??
Սաթեն ջան, անպայման գտիր Zoroին, լավ? և Լուսինե Խաչատրյանին… որ միասին սրճենք Ռադիոյի մոտ….. :Ճ
Սիրելի հայրենակիցներ. Չինաստանում, Հյուսիսային Կորեայում և Իրանում կան հատուկ մարդիկ, որոնք իրենց իրավունք են վերապահում որոշել, թե ով իրավունք ունի ԻՆՏԵՐՆԵՏՈՒՄ որևէ բան գրել, և ով` չունի: Այդ մարդիկ, սովորաբար, հանդես են գալիս գաղափարականության և բարոյականության օրթոդոքս պահապանի դրոշակով: Ավելին, նրանք հաճախ հայտնվում են տարբեր նիքերով, որպեսզի տպավորություն ստեղծվի, իբր տարբեր մարդիկ են գրում միևնույն դատափետող տեքստերը:
Մինչդեռ ինտերնետը նախևառաջ ԱԶԱՏ ՄՏԱԾՈՂ մարդկանց հանդիպման և շփման վայր է:
Isk duq inch eq arajarkum anel… Baci spaseluc… Gorcic durs galy mijoc chi, vorovhetev mer poxaren kberen pujur glxov, erkar-yuxot mazerov txerqi u 2 kopekov kashxatacnen.. heto drancic kstanan irenc uzac mankurty u……
Inch eq arajarkum anel hargeli Gnel????
Ժողովուրդ, Bruceը սփամ է….